Prospektdə qayda pozub maşını vuran qadın sürücü aradan çıxdı - VİDEO

Paytaxtın Nizami rayonu, Qara Qarayev prospektində qəza törədən sürücü hadisə yerini tərk edib.

Avtosfer.az-ın məlumatına görə, olay iyunun 7-də saat 14:14 radələrində qeydə alınıb. Kadrdan da göründüyü kimi, 99-TG-146 dövlət nömrə nişanlı “Chevrolet Cruze” markalı avtomobillə yolun hərəkət hissəsində dayanan qadın sürücü maşını geriyə sürüb. Bu vaxt o, arxadan gələn maşını vurub.

Hadisədən sonra zərərçəkmiş sürücü maşından düşərək nəqliyyat vasitəsinə baxıb. Ardınca qəzaya səbəb olan qadın da vurulan avtomobilə yaxınlaşıb. Sürücülər arasında kiçik mübahisə yaranıb və qadın yenidən maşınına minib. Zərərçəkmişin iddiasına əsasən, qəzanı törədən sürücü maddi zərəri ödəmək əvəzinə ərazidən uzaqlaşıb. 

Nərmin