Qabağa düşmək istəyən sürücülər belə cəzalandırıldı – VİDEO

Tələsmək bir çox sürücünün xarakteridir. Bəzən insanlar bir neçə saniyə irəli düşmək üçün həyatlarını riskə atırlar. Lakin risk hər zaman nəticə vermir. 
Avtosfer.az-ın xəbərinə görə, Çində dağ yolunda tıxac vaxtı 2 sürücü qabağa düşmək istəyir. Lakin onlar bir şeyi nəzərə almamışdılar: Döngədə qarşılarına çıxan yük avtomobili onlara güzəştə getmir. Hər 2 sürücü geri qayıdaraq cərgəyə durmağa məcbur olur. 
Qeyd edək ki, qayda pozan sürücülərə güzəşt edilməsi onları daha da həvəsləndirir. Məsələn, bizdən fərqli olaraq Rusiyada qadağan olunmuş yerdə ötmə edən sürücünün təkrar öz yoluna qayıtmasına digər sürücülər imkan vermir. Bizdə isə əksinədir.

Vüqar Yaşaroğlu