Qadın sürücü qayda pozub qəza törətdi – Maşından düşüb asfalta çırpıldı - VİDEO

Qaydalara riayət etməyən qadın sürücü yol qəzasına səbəb olub. Avtosfer.az xəbər verir ki, Meksikada baş verən hadisə müşahidə kamerası tərəfindən qeydə alınıb. Belə ki, 52 yaşlı qadın sürücü idarə etdiyi “Toyota” markalı avtomobillə hərəkətdə olarkən “Yol ver” nişanının tələbinə məhəl qoymayaraq yol kəsişməsinə daxil olub və bu zaman 19 yaşlı sürücünün idarə etdiyi “Nissan”la toqquşub.

Zərbənin təsirindən təhlükəsizlik kəməri taxmayan qadın sürücü avtomobildən asfalta düşərək bir neçə metr sürüklənib, “Nissan” isə idarəetmədən çıxaraq müştərilərin olduğu restorana girib. Qəza nəticəsində 52 yaşlı sürücü ağır, digər sürücü isə yüngül xəsarətlər alıb.

Sözügedən hadisənin anbaan videosunu təqdim edirik:

Namiq Musayev