Qayda pozan motosikletçini qəzadan cəmi 1 saniyə ayırdı - VİDEO

Avtosfer TV 25 Aprel 2023 16:00 Oxunub 838
Qayda pozan motosikletçini qəzadan cəmi 1 saniyə ayırdı  - VİDEO
WhatsApp kanalımıza abunə ola bilərsiniz

Maraqlı hadisə Belçikada baş verib. 

Avtosfer.az-ın xəbərinə görə, Ruler şəhəri yaxınlığındakı dəmiryolu keçidində motosikletçi bağlı şlaqbauma rəğmən hərəkəti davam etdirib. Onu qatarla toqquşmadan 1 saniyədən də az vaxt ayırıb. İntizamsız sürücü yoluna davam edib, maşinist isə prosedura uyğun olaraq qatarı bir neçə yüz metr sonra saxlayıb. 

Hadisə nəticəsində 2 şəhər arasında dəmiryolu əlaqəsi 4 saat kəsilib. Maşinistin halı pisləşdiyi üçün o, başqası ilə əvəz edilib. 

Hazırda polis qayda pozan sürücünü axtarır. Belçika qanunvericiliyinə görə, dəmiryolunu keçmə qaydalarını pozmaq 350-4000 avro cərimə və sürücülük hüququnun 5 ilədək məhdudlaşdırılması ilə cəzalandırılır. Bundan başqa, qayda pozan şəxs dəmiryolu təsərrüfatına hərəkətin dayanmasından dəyən zərəri də qarşılamalıdır.

Vüqar Yaşaroğlu

 

ŞƏRH YAZ
Ad

E-mail

Şərh