Qəzadan sonra polisi və ətrafdakıları şoka salan sürücü - VİDEO

Baş verən yol-nəqliyyat hadisəsindən sonra sürücü hər kəsi təəccübləndirən addım atıb. Avtosfer.az xəbər verir ki, Rusiyanın Sankt-Peterburq şəhərində baş verən hadisə kameraya düşüb. Belə ki, "Ford" markalı avtomobilin sürücüsü qəza törətdikdən sonra sərxoşluq müayinəsindən keçməkdən imtina edib. Hadisə yerinə gələn Yol Patrul Xidmətinin (YPX) inspektorları sənədləşdirmə işləri apardığı əsnada sərxoş sürücü polis maşınında əyləşib, özü ilə gətirdiyi içki şüşəsini çıxararaq rahatlıqla spirtli içki qəbul etməyə başlayıb. İnspektorlar gördükləri mənzərə qarşısında mat qalsalar da, dərhal tədbir görüblər. Nəticədə sürücü qəza törətmə və müayinədən imtina etmə ilə bağlı protokollarla yanaşı, ictimai yerdə spirtli içki qəbul etdiyinə görə də inzibati məsuliyyətə cəlb olunub.

Sözügedən hadisənin anbaan görüntülərini təqdim edirik:

Namiq Musayev