Qəzadan yayınan sürücü 3 piyadanı vurdu: qadının ayağı qopdu - VİDEO

Rusiyanın Krasnodar bölgəsində avtomobil səkidə üç nəfəri vurub, xəsarət alanlardan birinin vəziyyəti ağırdır. Avtosfer.az xəbər verir ki, hadisə Mira küçəsində baş verib. Bu barədə Daxili İşlər Nazirliyinin (DİN) Krasnodar diyarı üzrə Baş İdarəsi məlumat yayıb.

Belə ki, “KİA” markalı minik avtomobilinin 27 yaşlı sürücüsüsü “Volkswagen”lə toqquşmaqdan yayınaraq yüksək sürətlə səkiyə çıxıb və üç nəfəri – 14 yaşlı qızı, həmçinin 51 və 42 yaşlı qadınları vurub. Hadisədə “KİA”da olan 35 yaşlı sərnişin də xəsarət alıb.

DİN-dən bildirilib ki, yaralılardan 42 yaşlı zərərçəkən qadının vəziyyəti ağırdır. O, ayağından ağır xəsarətlər alıb.

Yerli mətbuatın məlumatına görə, qadının ayaqları qopub.

Faktla bağlı cinayət işi başlanılıb, araşdırma aparılır.

Namiq Musayev