Qəzalar zamanı günah “Prius”da, yoxsa sürücüdədir? - SORĞU - VİDEO

Son zamanlar avtomobil qəzalarında “Toyota” markasına məxsus “Prius” modelinin adını tez-tez eşidirik. Sanki belə bir düşüncə formalaşıb ki, “Prius” qəzaya düşməyə meyilli maşındır. Bəs əslində vəziyyət necədir? “Prius” qəzalarında maşın günahkardır, yoxsa onu idarə edən sürücü? 
Avtosfer.az-ın elə “Prius” sürücüləri arasında keçirdiyi sorğu nəticəsində məlum oldu ki, “Prius” modeli həm komfort, həm ekonom, həm də dizayn baxımından çox avtomobili geridə qoyur. Üstəlik, avtomobilin ehiyyat hissələrinin ucuzluğu da digərlərindən fərqlənir.
Bəs qəzalar zamanı günah “Prius”da, yoxsa sürücüdədir?
Əlbətdə ki, mühəndislər avtomobili satışa çıxarmazdan öncə onun hər bir detalını, gedişini, manevr imkanlarını, rahatlığını sınaqdan keçirdillər. Düşünsək ki, “Prius” modeli “Toyota” markasının mühəndisləri tərəfindən yoxlanılıb, tam əminliklə deyə bilərik ki, avtomobilin heç bir günahı yoxdur. 
Bəzi hallarda sürücü iddia edə bilər ki, qəza zamanı əyləc işləmədi, sükan dönmədi, təkər partladı və bu kimi halar yaşandı, yəni günahı avtomobilin üzərinə ata bilər. Həmin sürücülərə qısaca cavab budur ki, texniki baxışdan yayınmayın, avtomobili vaxtı-vaxtında təmir etdirin, günahı dəmir parçasının üzərinə atmaq absurd fikirdir.
Qeyd edək ki, “Toyota Prius” dünyanın ilk seriyalı istehsal olunan hibrid avtomobilidir. 2005-ci ildə Avropada ilin avtomobili seçilib. Ölçüsü, təchizatı və qiymətinə müvafiq orta sinif avtomobil qəbul edilir. Gələcəyin motor texnologiyası olaraq görülən hibrid sistemində benzin və ya dizelli bir motor ilə elektrik motoru eyni zamanda çalışır.

Nurlan Sakitoğlu