Qəzaya düşən sürücüyə 4000 ziyan dəyib, "ATA" sığorta 320 manat pul verir - ŞİKAYƏT - FOTO - VİDEO

Avtosfer TV 1 Avqust 2023 13:29 Oxunub 2690
Qəzaya düşən sürücüyə 4000 ziyan dəyib, "ATA" sığorta 320 manat pul verir - ŞİKAYƏT  - FOTO - VİDEO
WhatsApp kanalımıza abunə ola bilərsiniz

Şəmkir-Gədəbəy yolunun Yasamal aşırımlarında qəzaya düşən sürücü avtomobilinə dəymiş ziyanı sığorta şirkətindən ala bilmir. Bu barədə zərərçəkmiş sürücü Aydın Murğuzov Avtosfer.az-ın qaynar xəttinə şikayətini bildirib. O bildirir ki, 2019-cü ilin mart ayının 15-də sözügedən yolda hərəkətdə olarkən 21-BG-737 qeydiyyat nişanlı “VAZ 2106” markalı avtomobilin sürücüsü onun yoluna çıxaraq zəncirvari qəzaya səbəb olub: “Qəza nəticəsində mənim avtomobilimə 4000 manatdan çox zərər dəyib. Lakin qəzaya səbəb olan avtomobilin icbari sığortası olan “ATA” sığorta şirkəti zərəri 300 manatla dəyərləndirib. Mən bu məsələ ilə bağlı dövlət qurumlarına şikayət ərizəmi ünvanlamışam. Ədliyyə Nazirliyinin Məhkəmə Ekspertizası Mərkəzinin eksperti avtomobilimə baxış keçirərək 4080 manat zərər müəyyən edib və bununla bağlı rəsmi şəkildə rəy də verib. Mərkəzi Banka etdiyim müraciət  əsasında da müstəqil ekspertiza təyin edilib. Onlar da zərərin 4080 manat olduğunu müəyyən ediblər. Lakin “ATA” sığorta şirkəti dəymiş zərəri ödəməkdən boyun qaçırır. Ədliyyə Nazirliyinin və Mərkəzi Bankın ekspertizasının rəyinə məhəl qoymurlar. Deyirlər ki, biz sənə maksimum 320 manat pul verə bilərik. Avtomobilin qəza zamanı qeydə alınmış fotolarından da aydın şəkildə görünür ki,  320 manat ayrılmış məbləğ çox gülüncdür” – deyə zərərçəkmiş sürücü bildirib.

 

Leyla

ŞƏRH YAZ
Ad

E-mail

Şərh