Qırmızıdan keçən “Porsche” "Volqa" və “Lada”nı vurub dayanacağa girdi; ölən var - VİDEO

Qırmızıdan keçən sürücü ağır yol qəzasına səbəb olub. Avtosfer.az xəbər verir ki, hadisə Rusiyanın Nijni Novqorod şəhərində baş verib. Məlumata görə, hələlik şəxsiyyəti müəyyən edilməyən sürücünün yüksək sürətlə idarə etdiyi  “Porsche Cayenne” markalı avtomobil işıqforun qırmızı işığından keçərək sola manevr edən "Volqa" markalı minik avtomobili ilə toqquşub. Zərbənin təsirindən idarəetmədən çıxan “Porsche” əvvəlcə “Lada Granta”ya, daha sonra isə avtobus dayanacağına çırpılıb.

Qəza nəticəsində "Volqa"nın sürücüsü hadisə yerində ölüb. “Porsche”nin sürücüsü, “Lada”nın sərnişini və dayanacaqda dayanan bir qadın xəsarətlər alıblar.

Yaralılar təcili tibbi yardım briqadasının köməkliyi ilə xəstəxanaya yerləşdiriliblər.

Faktla bağlı cinayət işi açılıb, araşdırma aparılır.

Namiq Musayev