“Qırmızı”dan keçən yol polisi maşını “Volkswagen”lə toqquşdu – FOTO + VİDEO

Rusiyanın Mariy El bölgəsində yol polisi xidmətinin əməkdaşları qəzaya düşüblər. Avtosfer.az yerli KİV-ə istinadən xəbər verir ki, hadisə iyunun 24-də səhər saatlarında Maşinostroitel və Krasnoarmeysk küçələrinin kəsişməsində qeydə alınıb. 
Qəza ilə bağlı görüntülər sosial şəbəkədə yayımlanıb.
Kadrlarda, əks istiqamətdə yol polisi avtomobilinin sayrışan işıqlarını yandıraraq sürətlə hərəkət edərək işıqforun qırmızı işığından keçidiyi və bu zaman sağ yolda hərəkətdə olan “Volkswagen Tiguan”la toqquşduğu görülür. Zərbənin təsirindən idarəetmədən çıxan polis maşını dirəyə çırpılıb.
Bildirilir ki, qəza zamanı ciddi xəsarət alan olmayıb. Ancaq nəqliyyat vasitələrinə zərər dəyib. 
Bölgənin Yol Polisi İdarəsinin mətbuat xidmətindən faktı təsdiqləyiblər və qeyd olunub ki, polis maşını sayrışan işıqlarını yandıraraq hərəkət edib. 

Namiq Musayev