Qız qaçıranların düşdüyü ağır qəzadan - VİDEO

Samuxda avtomobillə qız qaçıran şəxslər qəzaya düşüb. Hadisə axşam saatlarında Samux-Əhmədbəyli yolunda baş verib. Qız qaçıran şəxslər Əhmədbəyli kəndi ərazisində avtomobil ilə körpünün üzərindən keçən zaman nəqliyyat vasitəsi idarəetmədən çıxıb və maşın Gəncə çayına düşüb. Qəza nəticəsində sürücü, Samux rayon Sərkar kənd sakini, 32 yaşlı Eldəniz Musayev və sərnişin, Göygöl rayonu Alabaşlı kənd sakini Türkan İsgəndərova, eləcə də avtomobildə olan daha iki şəxs ağır bədən xəsarətləri alaraq xəstəxanaya yerləşdiriliblər. Qaçırılan Türkan İsgəndərovanın vəziyyətinin ağır olduğu bildirilir. Faktla bağlı araşdırma aparılır.