“Raket” ləqəbli “07”ni nömrəsiz sürüb loqosunu dəyişən “avtoş” sürücü - VİDEO

Avtomobilinin loqosunu dəyişərək ön qeydiyyat nişanı olmadan idarə edən sürücünün görüntüləri sosial şəbəkədə geniş yayılıb.
Avtosfer.az-ın məlumatına görə, 90-ZY-647 dövlət nömrə nişanlı “VAZ-2107” markalı avtomobilin sürücüsü videolarını çəkərək “TikTok” sosial platformasında paylaşır. Görüntülərdən aydın olduğu kimi, o, maşını nömrəsiz sürür. Qayda pozan sürücü, həmçinin avtomobilin loqosunu “Porsche”nin loqosuyla əvəz edib. Bununla yanaşı, nəqliyyat vasitəsinin arxa yaylarını kəsərək ön hissəsini qaldırıb. Həmçinin digər bir görüntüdə o, avtomobili gürcü nömrəsiylə idarə edib.
Qeyd edək ki, “Yol hərəkəti haqqında” Konvensiyaya görə, loqonun çıxarılması və ya digər markaya aid loqo ilə əvəz olunması qanunsuz hesab olunur. Bu əməl, markanın dəyişdirilməsi kimi qiymətləndirilir. Qanunvericiliyə görə, bu xətanı törətmiş sürücüləri 150 manat məbləğində cərimə gözləyir. Eyni zamanda dövlət qeydiyyat nişanları olmadan, saxta və ya mövcud standartlara uyğun olmayan və ya başqa nəqliyyat vasitələrinə verilmiş dövlət qeydiyyat nişanları ilə nəqliyyat vasitələrini idarə etməyə görə İnzibati Xətalar Məcəlləsinin 342.7-ci maddəsinə əsasən 60 məbləğində cərimə nəzərdə tutulur. 

Nərmin