Rusiyanın məşhur baykeri həlak oldu – FOTO + VİDEO

Rusiyanın “erotik baykeri”, “Instagram”dakı profilində paylaşdığı fotoşəkillərlə məşhurlaşan Olqa Pronina həlak olub. Avtosfer.az milli.az-a istinadən bildirir ki, Rusiyanın Vladivostok şəhərinin sakini olan 40 yaşlı O.Pronina sosial şəbəkələrdə Monika adı ilə tanınırdı. 21 illik baykerlik təcrübəsi olan Olqa 16 yaşlı qız anası olmasına rəğmən, “BMW S1000 RR” markalı motosikletini yollarda çox böyük sürətlə idarə etməyi sevirdi. Olqanın motosikletinin mühərriki 199 at gücündə idi və 300 km/saatlıq maksimal sürətə malik idi. Bundan başqa, o, əksər vaxtlarda motosikleti şlemsiz, dikdaban ayaqqabıda idarə edirdi. O, yollardakı tryuklarının videolarını “Instagram”dakı profilində paylaşmağı da sevirdi. Vladivostok şəhərinin həndəvərindəki yollardan birində yüksək sürətlə növbəti tryuklarından birini icra edərkən o, qəzaya düşüb və həlak olub. Polisdən verilən məlumata görə, o, motosikletdə olarkən yenə selfi çəkmək istəyib və bu zaman döngədə “BMW”-nin öhdəsindən gələ bilməyib. Motosiklet yol kənarındakı sipərə çırpılıb, O.Pronina hadisə yerindəcə keçinib.