Şəhərin mərkəzində parklanma yerini zəbt etdilər - Sürücülər narazılıq edir - VİDEO

Bakının mərkəzində parklanma yerini zəbt ediblər. Bu barədə sürücülərdən biri video çəkərək sosial şəbəkədə paylaşıb. Avtosfer.az xəbər verir ki, görüntü paytaxtın Nizami küçəsində (ABB-nin baş ofisinin qarşısında) qeydə alınıb. Belə ki, yolun sol tərəfinə xüsusi dəmir konstruksiyalar bərkidərək parklanma yerini zəbt ediblər. Həmin dəmirlərin sakinlər tərəfindən quraşdırıldığı iddia olunur.

Qeyd edək ki, yolun hərəkət hissəsinə bu cür maneələrin quraşdırılması qanunla qadağandır. Bu əməli törədən şəxslər İnzibati Xətalar Məcəlləsinin 354.0.4-cü maddəsi ilə məsuliyyətə cəlb edilə bilər - fiziki şəxslər səksən manatdan yüz manatadək məbləğdə, vəzifəli şəxslər dörd yüz manatdan beş yüz manatadək məbləğdə, hüquqi şəxslər üç min manatdan dörd min manatadək məbləğdə.

Leyla