Skamyada əyləşən qadını MAŞIN VURDU: Sürücü yeniyetmə imiş - VİDEO

Sürücülük vəsiqəsi olmadan avtomobil idarə edən yeniyetmə skamyada əyləşən qadını vurub.

Avtosfer.az xəbər verir ki, Türkiyənin İstanbul şəhərində baş verən qəzanın görüntüləri binanın təhlükəsizlik kamerası tərəfindən qeydə alınıb. Kadrlarda bir qadının skamyada əyləşdiyi və bu anda idarəetmədən çıxan avtomobilin onu vurduğu görülür. 
Videoda qəzadan sonra avtomobildən 3 gəncin düşdüyü və avtomobilin altında qalan qadını oradan çıxarmağa çalışmaları da əks olunub.
Yerli medianın məlumatına görə, avtomobilin altında təxminən bir saat qalan qadını xilasedicilər çıxarıblar. Belindən ağır xəsarətlər alan qadın xəstəxanaya yerləşdirilib. 
Qəza törədən sürücünün isə 14 yaşı olub və sürücülük vəsiqəsi olmayıb.
Yeniyetmə polis tərəfindən saxlanılsa da, daha sonra sərbəst buraxılıb.
Sözügedən qəza anının görüntülərini təqdim edirik:

Namiq Musayev