Skuterlə necə gəldi yola çıxan gənc az qala asfalta yıxılacaqdı - VİDEO

Paytaxtın Nərimanov rayonu, Koroğlu Rəhimov küçəsində təhlükəli anlar qeydə alınıb.

Avtosfer.az-ın məlumatına görə, hadisə avqustun 6-da günorta saatlarında baş verib. Belə ki, skuter idarə edən gənc qəfil avtomobillərin intensiv hərəkətdə olduğu yolun hərəkət hissəsinə çıxıb. Görüntülərdən məlum olur ki, o, yaxınlaşmaqda olan nəqliyyat vasitələrinə məhəl qoymadan hərəkətini davam etdirərək həm öz həyatını, həm də digər hərəkət iştirakçılarını təhlükə altına atıb.

Bir neçə saniyə sonra skuterin sürücüsü ayağı büdrədiyi üçün idarəetməni itirir və asfalta yıxılmaqdan son anda xilas olur. Müvazinətini bərpa edən gənc geriyə dönərək yolun kənarına çəkilib.

Xoşbəxtlikdən hadisə nəticəsində yol-nəqliyyat qəzası baş verməyib.

Bir daha xatırladaq ki, skuter və digər fərdi hərəkət vasitələrinin sürücüləri yolun hərəkət hissəsinə çıxarkən təhlükəsizlik qaydalarına ciddi əməl etməli, nəqliyyat vasitələrinə maneə yaratmamalı və öz həyatlarını riskə atmamalıdırlar.

Nərmin