Sumqayıt yolunda nömrəsiz halda Fi-Fa siqnal və sayrışan işıqla şou göstərən sürücü – 99-ZZ-044 - VİDEO

Bakı-Sumqayıt yolunda 99-ZZ-044 dövlət nömrə nişanlı avtomobillə kobud qayda pozuntularına yol verən sürücünün görüntüləri kameraya düşüb. Avtosfer.az xəbər verir ki, hadisə bu gün səhər saat 09.35 radələrində qeydə alınıb. Masazırdakı körpünün üzərindən başlayaraq Avtovağzal kompleksinin qarşısınadək müxtəlif qayda pozuntularına yol verən sürücü digərləri üçün təhlükə yaradıb. 
Avtomobilin üzərində sayrışan işıqlar və Fi-Fa siqnal da olub. Nəqliyyat vasitəsinin qabaq nömrəsi isə yerində olmayıb.
Sürücü bir neçə dəfə siqnaldan və sayrışan işıqlardan istifadə edərək təhlükəli manevrlər edib. Hətta Ekologiya postunun qarşısında sərt manevr edərək toxunulmazlıq və harınlıq nümayiş etdirib.
Görüntüləri təqdim edirik:

Emin