Suraxanıda yarışan maşınlar sürücü və azyaşlılara qorxulu anlar yaşatdı - REAL VİDEO

Paytaxtın Suraxanı rayonu, İlqar Musayev küçəsində qayda pozan sürücülər təhlükəli  vəziyyət yaradıblar.

Xoşagəlməz hadisəylə bağlı izləyicilərdən biri Avtosfer.az-ın “Whatsapp” ünvanına vidomaterial göndərib. Hadisə aprelin 25-də saat 13:11 radələrində qeydə alınıb. Belə ki, 77-QH-798 dövlət nömrə nişanlı “KIA” markalı avtomobilin sürücüsü qəfil sola - əks istiqamətli yola keçib və qarşı tərəfdən gələn maşına təhlükə yaradıb. Görüntünü qeydə alan sürücü vaxtında onu görərək sağa manevr edib və qəzadan möcüzəvi şəkildə xilas olub. Kadrda 77-GZ-037 dövlət nömrə nişanlı “Mitsubishi” markalı avtomobilin sürücüsünün “KIA”nı sıxışdırdığı aydın şəkildə əks olunub.

İzləyicinin sözlərinə görə, qeyd edilən avtomobillərin sürücüləri bir-biriylə yarışdıqları üçün o, qəza təhlükəsiylə üz-üzə qalıb: “”KIA” və “Mitsubishi”nin sürücüsü yüksək sürətlə hərəkətdə edirdilər və mənə elə gəlir ki, onlar bir-biriylə yarışırdılar. Hər iki sürücü anidən önümə çıxdı və güclə sağa manevr etdim. O anda sağ tərəfdə də maşınlar var idi və qəzadan saniyə ilə qurtuldum. Özümlə yanaşı avtomobildə iki azyaşlı da var idi və məndən çox onlar qorxu keçirdi”. 

Nərmin