Sürücü mübahisə etdiyi həmkarına silahla hədə-qorxu gələrək onu döyüb - VİDEO

Türkiyənin Kocaeli əyalətində sürücü, yol verməmək üstündə düşən mübahisə zamanı həmkarına silahla hədə-qorxu gələrək onu döyüb. Avtosfer.az DHA-ya istinadən xəbər verir ki, insident Çayırova rayonunun Atatürk məhəlləsində baş verib.

İddiaya görə, 2 avtomobilin sürücüsü arasında yol verməmək səbəbindən mübahisə yaşanıb.

Bundan sonra sürücülərin bir-birlərinin üzərinə hücum çəkdiyini görənlər, mübahisənin böyüməməsi üçün onları ayırmağa çalışıblar. Ancaq bu zaman qara avtomobilin sürücüsü baqajdan tapançanı götürərək həmkarının üzərinə yeriyib. Silahı görənlər isə özlərini qorumaq üçün oradan uzaqlaşıblar. Silahlı şəxs, maşınına sığınan sürücüyə təpik ataraq, onu tapançanın arxası ilə vurub. Daha sonra silahı qarşısındakı şəxsə tuşlayaraq sürücü və sərnişinin avtomobillərinə mindirib. Özü də avtomobilinə minərək hadisə yerindən uzaqlaşıb. Baş verənlər isə həvəskar kamera tərəfindən qeydə alınıb. Sosial şəbəkədə yayımlanan kadrları izləyən polis, araşdırma apararaq hər iki dava iştirakçını saxlayıb.

Hazırda araşdırmalar davam etdirilir.

Namiq Musayev