Sürücü “Prius”u zibil qutularının arxasında “gizlətdi” - VİDEO

Avtosfer TV 27 Fevral 2024 20:07 Oxunub 822
Sürücü “Prius”u  zibil qutularının arxasında “gizlətdi”    - VİDEO
WhatsApp kanalımıza abunə ola bilərsiniz

Paytaxt küçələrində dayanma-durma qaydalarını pozan sürücülərə sıx rast gəlirik. Xüsusilə piyadalar üçün ayrılmış ərazilərdə - səkilərdə, keçidlərdə, parklarda avtomobillərini park edən sürücülər kifayət qədərdir. Bu qaydanı pozanlar isə adətən müxtəlif bəhanələr gətirirlər. Lakin sükan arxasında əyləşən hər bir şəxs bilməlidir ki, istənilən halda bu, qəbuledilməzdir. 
Hətta bəzi sürücülər zibil qutuları üçün ayrılmış ərazilərdə avtomobillərini park edir. Bu isə həm sakinlərə, həm də təmizlik işçilərinə maneə törədirlər.
İşıqlandırdığımız məsələylə bağlı şikayətçinin videosu sosial şəbəkədə yayılıb. Görüntüdən aydın olduğu kimi, 77-XB-371 dövlət nömrə nişanlı “Toyota Prius” markalı avtomobilin sürücüsü dayanma-durma qaydalarını pozub. Belə ki, o, maşını zibil konteynerlərinin arxa hissəsində parklayıb. Nəticədə zibil daşıyan maşın üçün nəzərdə tutulmuş yeri zəbt edib və təmizlik işçilərinə işinə əngəl törədib. 
Xatırladaq ki, bu xəta İnzibati Xətalar Məcəlləsinin 346.1-ci maddəsinə əsasən, 20 manat məbləğində cəriməylə nəticələnir. 

Nərmin

ŞƏRH YAZ
Ad

E-mail

Şərh