Svetofor və nişanlar ağacın içində gizlənib: Aidiyyəti qurumlar problemə göz yumurlar - VİDEO

Bir neçə müddət əvvəl Bakıda görünməyən svetofor və nişanların sürücülərə təhlükə yaratdığı ilə bağlı məlumat vermişdik. Avtosfer.az xəbər verir ki, söhbət paytaxtın Rixard Zorge və Nizami küçələrinin kəsişməsindən gedir. Belə ki, sözügedən kəsişmədə yerləşən svetofor obyekti və yol nişanları ağacın arxasında gizləndiyi üçün sürücülər onu görə bilmirlər. Ən əsas da həmin yoldan ilk dəfə istifadə edən sürücülər svetoforun mövcudluğundan xəbərsizdilər. Hərəkətin sağa məcburiliyini bildirən, eyni zamanda qarşı tərəfdəki girişi qadağan edən nişanlar ağacın budaqları arasında gizləndiyi üçün sürücülər onları görə bilmirlər. Qeyd edək ki, həmin kəsişmədən düzünə hərəkət edən sürücülər inzibati qaydada məsuliyyətə cəlb edilirlər. Bu barədə oxuculardan biri ərazidən video qeydə alaraq redaksiyamızın qaynar xəttinə göndərib. Sözügedən videonu təqdim edirik.

Fərid