Taksi sürücüləri fəryad edir: "Bizi adam yerinə qoymurlar" - VİDEO

"Sifariş verilir, taksi sürücüsü ünvana yaxınlaşır, amma sərnişin yoxdur. Zəng edəndə isə "gözləyin də pulu ilə deyil" deyə cabab verirlər. Ardınca isə sifariş ləğv edilir. Bu isə bizə ziyandır." Bu sözləri Avtosfer.az-a taksi sürücülərindən biri deyib. Sürücü idda edir ki, onunla yanaşı digərləri də eyni problemi yaşayır." Sifarişi qəbul edib ünvana gedirsən. Müştəri yoxdur. Zəng edəndə isə kobud şəkildə "pulu ilə deyil gözlə də" deyir. Sonra isə sifarişi ləğv edir. Keçən dəfə birini saxlamışam ki, axı niyə belə edirsiniz. Deyir ki, mənimlə adam kimi danışmadınız deyə ləğv etdim. Başqa taksi ilə gedəcəm. Mən isə ondan gediş haqqını tələb elədim. Çünki məsafə qət edib gəlmişəm."
Sürücü idda edir ki, bəzən bir ünvana 3 ayrı taksi sifariş verilir." Gələndə isə görürsən ki, başqa taksiyə oturub getdi. Zəng edəndə isə deyir ləğv edin. Bu isə bizə ziyan vurur."
Sürücü onu da əlavə edib ki, taksi sürücülərinə qarşı çox kobud münasibət var. "Sanki biz insan deyilik, bizim əsəblərimiz yoxdur. Sanki biz nökərik. Axı belə olmaz."
Qeyd edək ki, sürücü Avtosfer.az-a görüntülər də göndərib. Videonu təqdim edirik:

Fərid