Taksi sürücülərinin diqqətinə; yalan xəbərlərə inanmayın - İyuldan sonra bu maşınlar... - VİDEO

Avtosfer TV 24 Aprel 2024 18:51 Oxunub 1062
Taksi sürücülərinin diqqətinə; yalan xəbərlərə inanmayın - İyuldan sonra bu maşınlar... - VİDEO
WhatsApp kanalımıza abunə ola bilərsiniz

Məlum olduğu kimi taksi fəaliyyəti ilə bağlı yeni tələblər təsdiq olunub. Lakin bu tələblərlə bağlı bəzi taksi sürücüləri həqiqəti əks etdirməyən şayiələr yayırlar. Həmçinin bəzi məsələlərin özü çaşqınlıq yaradır.

Avtosfer.az saytının rəhbəri, nəqliyyat eksperti Elməddin Muradlı bu məsələlərə aydınlıq gətirib.

O, bildirib ki, Azərbaycanda taksi fəaliyyətinin təkmilləşdirilməsi ilə bağlı qanunvericiliyə edilən dəyişikliklər, eləcə də Nazirlər Kabineti tərəfindən qəbul edilmiş qərarlar artıq qüvvəyə minib: “Bu qərarların bir hissəsi isə iyulun 1-dən qüvvəyə minəcək. Burada söhbət taksilərin istehsal ili və rəng məsələsindən gedir. Bəzi sürücülər bununla bağlı çaşqınlıq içindədir və şayiə yayaraq bir-birlərinə sanki təsəlli verirmiş kimi yalan məlumatlar çatdırır. Bildirirlər ki, iyul ayından sonra da ili 15 ilə qədər olan nəqliyyat vasitələri taksi buraxılış kartı ilə təmin ediləcək. Bu yalan məlumatdır və belə şayiələrə inanmayın. “Avtomobil nəqliyyatı haqqında” Qanunda və yaxud da Baş nazir tərəfindən imzalanmış qərarlarda bu məsələ öz əksini tapmır. Burada yalnız rəng məsələsi ilə bağlı istisnalar olacaq. Yəni, istehsal ili 8 ilə qədər olan və konkret rəng tələbi iyul ayından sonra qüvvəyə minir. Amma ölkədə istehsal ili 15 ilə qədər olan nəqliyyat vasitələri hal-hazırda qeydiyyata alınır. Proses iyulun 1-nə qədər davam edəcək. İyulun 1-dən sonra isə yalnız istehsal ili 8 ildən çox olmayan, ölkədə istehsal olunan və ya ölkəyə yeni gətirilən, rəngi qırmızı ya da ağ olan nəqliyyat vasitələri qeydiyyata alınacaq. Məsələn, 15 ili tamam olmasına 1 il qalmış avtomobillə müraciət edən sürücüyə 7 illik taksi buraxılış kartı verilir. Bu müddət məsələsi isə sürücüləri çaşdırır. Çaşqınlıq yaşanmasın deyə, vaxtında gedib müraciət edib, taksi buraxılış kartını almaq lazımdır. Bununla bağlı artıq taksi operatorları, yəni taksi şirkətləri də öz addımlarını atmağa başlayıblar. Məndə olan məlumata görə, taksi şirkətləri artıq 1999-2000-ci il istehsalı olan avtomobillər üçün qeydiyyatı ləğv ediblər”.

Ekspert bildirib ki, taksi fəaliyyəti ilə məşğul olan sürücülər işini etibarlı tutub, köhnə maşını mütləq yeni avtomobillə dəyişdirməyə çalışmalıdır: “Burada avtomobilin yenilənməsi əsas şərt deyil. Sürücünün özünün sağlamlığı, narkoloji testdən necə keçməsi və digər amillər də önəmlidir. Dövlətin qoyduğu qanunların əsas hədəfi də budur ki, taksi fəaliyyətinə xələl gətirən, yaramayan insanlar və nəqliyyat vasitələri bu sahədə qalmasın. Hesab edirəm ki, bunu hər birimiz anlayışla qarşılamalıyıq”.

Məhəbbət Tərlanoğlu

 

ŞƏRH YAZ
Ad

E-mail

Şərh