Təhlükəsizlik kəmərindən istifadə etməyənlərin diqqətinə! - VİDEO

Təhlükəsizlik kəmərindən istifadə etməyənlər üçün daha bir ibrətamiz görüntü - qəza zamanı avtomobildən yola uçdular. Avtosfer.az xəbər verir ki, bununla bağlı görüntülər sosial şəbəkədə yayımlanıb.

Kadrlarda, hərəkətdə olan minik avtomobilinin qəfildən sürücünün idarəetməsindən çıxdığı və əvvəlcə yol kənarındakı tikinti ərazisinin hasarına, daha sonra isə əks yoldan gələn avtomobilə çırpıldığı görülür.

Zərbənin təsirindən iki nəfər avtomobilin salonundan uçaraq asfalta dəyib.

Videodan da göründüyü kimi öndə əyləşən sürücü və qadın sərnişin qəzanı yüngül xəsarətlərlə ötüşdürüblər, amma təhülkəsizlik kəmərindən istifadə etmədiklərinə görə gələn dəfə bu qədər şanslı olmaya bilərlər.

Namiq Musayev