Təyyarədə qorxulu hadisə: Sərnişin qan içində... – VİDEO

Sərxoş sərnişin Rusiyanın paytaxtı Moskvadan Antalyaya gedən "Red Wings" hava yollarına aid təyyarədə digər sərnişinlərə qorxu dolu anlar yaşadıb. Avtosfer.az milli.az-a istinadən xəbər verir ki, sərxoş şəxs spirtin təsiri ilə dayanmadan qışqırıb, ətrafı yumruqlayıb. Üstü-başı qana bulanan sərnişinin bu halından qorxan yanında oturmuş sərnişin başqa bir yerə keçmək məcburiyyətində qalıb. Təyyarədəki başqa sərnişinlər və təyyarənin ekipaj üzvü uzun müddət sərxoş şəxsə mane olmağa çalışsalar da sakitləşdimək mümkün olmayıb. Təyyarədəki bir sərnişin tərəfindən çəkilən qorxu dolu anlar xarici KİV-də və sosial şəbəkədə qısa müddətdə sürətlə yayılıb. Vəziyyət barədə Antalya hava limanı səlahiyyətlilərinə məlumat verilib.