Üç nəfəri vuran sürücü maşını marketə çırpıb hadisə yerindən qaçdı - VİDEO

İdarəetmədən çıxan avtomobil 3 nəfəri vurduqdan sonra supermarketə çırpılıb.

Avtosfer.az xəbər verir ki, hadisə Türkiyənin Tekirdağ bölgəsində baş verib.

Məlumata görə, Mehmet B.V. idarə etdiyi 34-EFT-392 dövlət nömrə nişanlı “Škoda” markalı minik avtomobili yolu keçən ana və 8 yaşlı oğlunu vurub. Bundan sonra idarəetmədən çıxan avtomobil əvvəlcə səkidə olan daha 1 nəfərə dəyib və ardınca da supermarketə çırpılıb.

Ətrafdakı vətəndaşların çağırışı ilə hadisə yerinə təcili tibbi yardım və polis əməkdaşları gəlib.

Qəzada xəsarət alan 3 nəfərə ilkin tibbi yardım göstərildikdən sonra xəstəxanaya çatdırılıblar.

Hadisə yerindən qaçan sürücü və onun sərnişin qısa müddət ərzində polis tərəfindən saxlanılıblar.

Namiq Musayev