Videosu yayılan bu sürücülərin diqqətinə - QANUNLA CƏZASI VAR - VİDEO

Avtosfer TV 3 İyul 2023 16:41 Oxunub 13558
Videosu yayılan bu sürücülərin diqqətinə - QANUNLA CƏZASI VAR  - VİDEO
WhatsApp kanalımıza abunə ola bilərsiniz

Son zamanlar kütləvi informasiya vasitələrində qayda pozan sürücülərin videoları dərc edilir. Yayılmış bütün videolar Dövlət Yol Polisi İdarəsi tərəfindən araşdırılır və xətanı törədən sürücü inzibati qaydada məsuliyyətə cəlb edilir. Bu cür ciddi nəzarətin olması qəzaların, təhlükələrin sayını azaldır. Eyni zamanda sürücülərdə məsuliyyət formalaşdırır. Sürücülər videolarının yayılmasından çəkinərək qaydalara riayət etməyə məcbur qalırlar. Əvvəllər polis olmayan yerdə qayda pozmağa cəhd edən sürücülər, indi polis olmadığı halda belə qayda pozmaqdan çəkinirlər. İctimai qınağın olması və polisin ciddi nəzarəti insanların təhlükəsizliyi üçün yönəlmiş addımdır. Bəzən sürücülər yayılmış video əsasında cərimə yazılmasını düzgün hesab etmirlər. Lakin qanunvericilikdə bu məsələ öz əksini tapıb. Belə ki, İnzibati Xətalar Məcəlləsinin 99.1.3-cü maddəsində qeyd olunub ki, fiziki və ya hüquqi şəxslər tərəfindən təqdim edilən, yaxud mediada dərc olunmuş məlumatlar əsasında inzibati xəta haqqında iş üzrə icraata başlanıla bilər. Bu o deməkdir ki, sürücünün qayda pozuntusu ilə bağlı DYP-yə şikayət olunursa və yaxud kütləvi informasiya vasitələrində sürücünün videosu yayılırsa, həmin sürücü DYP-yə dəvət oluna və videogörüntü ilə tanış edilərək məsuliyyətə cəlb edilə bilər.

Avtosfer.az-ın əldə etdiyi məlumata görə, bir neçə sürücü bu məsələ ilə bağlı məhkəməyə müraciət etsə də, hakim cəriməni qüvvədə saxlayaraq yol polisinin xeyirinə qərar çıxarıb.

 

Nərmin Əkbər

ŞƏRH YAZ
Ad

E-mail

Şərh