Vurduğu piyadanı xəstəxanaya apardı; sonra qayıtdı ki, protokol yazılsın – ANBAAN VİDEO

Rusiyanın Krasnoyarsk şəhərində avtomobilin piyadanı vurma görüntüləri təhlükəsizlik kamerası tərəfindən qeydə alınıb. Avtosfer.az xəbər verir ki, hadisə “Keçxoveli” və “Krasnıy Armii” küçələrinin kəsişməsində qeydə alınıb.

Kadrlarda, taksi kimi fəaliyyət göstərən “Volkswagen Polo” markalı avtomobilin manevr etdiyi və bu zaman piyada keçidindən keçən 35 yaşlı qadını vurduğu görülür. Zərbənin təsirindən o asfalta yıxılır.

Sonra isə 33 yaşlı sürücü zərərçəkəni avtomobilinə mindirir və xəstəxanaya aparır.

Yerli polisin məlumatına görə,  sürücü daha sonra baş verən qəzanı protokollaşdırmaq üçün hadisə yerinə qayıdıb. 

Qeyd edək ki, qəza anında taksi və qadın svetoforun icazəli siqnalında hərəkət ediblər. Ancaq yol hərəkəti qaydalarına görə, bütün hallarda avtomobil piyadaya yol verməli idi.

Namiq Musayev