Xırdalan dairəsində əsl xaos hökm sürür – Sürücülər elə, piyadalar belə... - VİDEO

Bakı-Sumqayıt yolunun bu hissəsində vəziyyət heç də ürəkaçan deyil. Avtosfer.az xəbər verir ki, söhbət Xırdalan dairəsindən gedir. Ərazidə avtobus, avtomobil və piyadalar bir-birinə qarışıb. Yola qaçan uşaqlar, haradan gəldi yol keçən piyadalar, köşkü dayanacaq sanan avtobus sürücüləri, piyada keçidi nişanı olsa da, zebra xəttləri yox, dayanma-durmanı qadağan edən nişanının yanında parklanan taksilər, bir sözlə, problemin sayı hesabı yoxdur. Hələ yolda günün günorta vaxtı hərəkət edən yük avtomobillərini demirik.
Bu da Bakı-Sumqayıt yolunun Xırdalan dairəsinə qədər olan məsafəsində yaranan tıxacın bir nömrəli səbəbləri. 
Təəssüflər olsun ki, nəzarətsiz qalan bu yolda vətəndaşlar öz istədikləri kimi hərəkət edir. Problem isə bir yox, bir neçə qurumun öhdəliyində olan məsələlərdən ibarətdir. 

Nurlan Sakitoğlu
Nərmin Əkbər