Yağışlı havada təhlükə yaradan sürücü: Bu hərəkət qəzaya səbəb olur - VİDEO

Yağışlı havada sürücülər daha diqqətli olmalıdır. Çünki yolun yaş olması, yaxud ora suyun yığılması qəzaya səbəb ola bilər. Oxuculardan birinin təqdim etdiyi videoda isə mənzərə bir qədər fərqlidir. Belə ki, dekabrın 9-da Heydər Əliyev prospekti kənar yolda hərəkətdə olan sürücü soldan ötmə edən "Hyundai" markalı sürücünün yaratdığı təhlükə ilə üz-üzə qalıb. Belə ki, yüksək sürətlə hərəkət edən sürücü yola yığılmış suyu digər sürücünün avtomobilinin ön şüşəsinə sıçradıb. Bu isə sürücünün görmə dairəsini məhdudlaşdırıb. 

Şüşəsilənlərin gücünü artıran sürücü vəziyyətdən çıxa bilib. Lakin bu onun qəza törətməsinə səbəb ola bilərdi. 
Qeyd edək ki, sulu və ya palçıqlı yolda piyadalara, binalara və ətrafdakı nəqliyyat vasitələrinə qəsdən su sıçradılması hər bir sürücüdə, İnzibati Xətalar Məcəlləsinin (İXM) 342.1.5 maddəsinə əsasən, 40 manat məbləğində inzibati cərimə öhdəliyi yaradır.