Yanğınsöndürən avtomobilə yol verməyən sürücü - VİDEO

Bizdə vaxtaşırı olaraq xüsusi təyinatlı avtomobillərə yol verməyən sürücülərin videosu saytlara yol tapır. Kimi yanğınsöndürən avtomobilə yol vermir, kimi hərbi kolona qoşulub hərəkət edir, kimi də “təcili yardımın arxasınca sürür”. Amma obyektivlik naminə deyək ki, belələrinin sayı ilbəil azalır. 
Avtosfer.az xəbər verir ki, belə sürücülər tək bizdə deyil. Yol intizamı ilə seçilən Almaniyada da belələrinə rast gəlinir. 
Videoda görünür ki, qırmızı işıqda gözləyən yaşıl rəngli avtomobil çağırışa tələsən yanğınsöndürən avtomobilə yol vermir. Sürücü səs və işıq siqnallarını qoşsa da, “Skoda”nın sürücüsü buna məhəl qoymur. Nəhayət solda gözləyən avtomobil irəli gedərək yolu açır.  Yaşıl avtomobil isə yalnız yaşıl işıq yandıqdan sonra hərəkətə keçir. 
Bəs bu sürücüyə hansısa cəza düşürmü?
Avropa ölkələrində xüsusi avtomobillərə yol verməmək ciddi qayda pozuntusu hesab edilir. Bu əmələ görə ölkədən və nəticə\dən asılı olaraq 100 avrodan bir neçə min avroyadək cərimə, 3-5 cərimə balı, sürücülük hüququndan məhrumetmə və hətta həbs də tətbiq edilə bilər.

Vüqar