Yasamalda piyadalar əziyyət çəkir – Zebra silinib - VİDEO

Avtosfer TV 28 Fevral 2024 14:37 Oxunub 920
Yasamalda piyadalar əziyyət çəkir – Zebra silinib   - VİDEO
WhatsApp kanalımıza abunə ola bilərsiniz

Yasamal rayonu “Bravo” marketin yaxınlığında yol nişanlarının düzgün qurulmaması səbəbindən piyadalar hər gün əziyyət çəkir.

Avtosfer.az xəbər verir ki, bu barədə sakinlərdən biri video çəkərək sosial şəbəkələrdə paylaşıb.

Belə ki, yolda piyada keçidi nişanı təşkil edilsə də zebra zolağı silinib. Bu da piyadaların rahat və təhlükəsiz hərəkətinə mane olur. Həmçinin sakinlər yaxınlıqda məktəb olduğunu, məktəblilərin keçiddən rahat istifadə edə bilmədiyini deyir. Sürücülər də belə şəraitdə çaşıb, piyadaları əzə bilər.

Vətəndaşlar deyir ki, xüsusilə də günün qaranlıq saatlarında vəziyyət daha da qəlizləşir. Həm bəzi sürücülərin ədəbsizliyi, həm də müvafiq qurumların səhlənkarlığı səbəbindən piyadalar hər gün qorxulu anlar yaşayır.

Xatırladaq ki, nişanla yerdəki zebra mütləq birgə tətbiq olunmalıdır.

Məhəbbət Tərlanoğlu

ŞƏRH YAZ
Ad

E-mail

Şərh