Yeni quraşdırılan işıqfor qəzadan sonra yararsız vəziyyətə düşdü - VİDEO

Yeni quraşdırılan işıqfor yol-nəqliyyat hadisəsi zamanı yararsız vəziyyətə düşüb.

DİN-in Nəqliyyatı İntellektual İdarəetmə Mərkəzindən Avtosfer.az-a verilən xəbər görə, bu gün günorta saatlarında paytaxtın Binəqədi rayonu, Əhməd Rəcəbli və Cəfər Xəndan küçələrinin kəsişməsində yol-nəqliyyat hadisəsi baş verib.

Qəza zamanı DİN-in Nəqliyyatı İntellektual İdarəetmə Mərkəzinə məxsus 1 ədəd yeni quraşdırılmış işıqfor yararsız vəziyyətə düşüb. Mərkəzin əməkdaşları tərəfindən işıqforun bərpa edilməsi işləri görüləcək.