Yeniyetmə kvadrosiklla iki qadını vurdu; valideynləri cərimələndi - VİDEO

Yeniyetmə kvadrosiklla iki qadını vurub. Avtosfer.az xəbər verir ki, hadisə Rusiyanın Moskva vilayətində baş verib. Məlumata görə, Solneçnoqorsk şəhərində 13 yaşlı yeniyetmə icazəsiz kvadrosiklı götürərək sürməyə başlayıb. Bir müddət yüksək sürətlə idarə etdikdən sonra kvadrosiklın sükan idarəetməsini itirərək yol kənarı ilə gedən iki qadını vurub.  Zərbənin təsirindən hər iki qadın yerə yıxılıb. Qəza nəticəsində müxtəlif dərəcəli bədən xəsarətləri alan 51 yaşlı Natalya A. və 39 yaşlı İrina Ç. xəstəxanaya yerləşdiriliblər. Sürücünün özü isə xəsarət almayıb.

Hadisə ilə bağlı yeniyetmənin valideynləri polis bölməsinə çağırılıblar və müvafiq qanunvericilik çərçivəsində cərimələniblər.

Hazırda faktla bağlı araşdırma aparılır.

Namiq Musayev