Yol kənarında qanunsuzluq aşkarlayan deputat qaydanı belə pozdu - VİDEO

Deputat Razi Nurullayev Balaxanı-Mehdiabad yolunda çəkdiyi videonu sosial şəbəkə hesabında paylaşıb. Avtosfer.az xəbər verir ki, deputat yolboyu hündür hasarların çəkilməsini və bunun faydasız olduğunu tənqid edib. Görünüşü məhdudlaşdıran həmin hasarların ürəksıxıcı olduğunu bildirən deputat bura ayrılmış pullarla yolkənarı yaşıllıq zonasının yaradılmasını məqsədəuyğun hesab edib. O, eyni zamanda Bakı-Ələt yolundakı hasarları da tənqid edib.

Çəkiliş zamanı sərnişin qismində olan deputatın təhlükəsizlik kəmərindən istifadə etməməsi də videogörüntüyə aydın şəkildə əks olunub. Bu cür tanınmış şəxslər qaydalara əməl edərək insanlara nümunə olmalıdır. Lakin parlamentdə qəbul edilən qanunu deputatın özü pozursa sadə vətəndaşlardan nəyi tələb etmək olar?

Fərid