Yol kəsişməsində 2 “Tesla” toqquşdu; sürücülərdən biri öldü - VİDEO

Qaydaları pozan “Tesla” sürücüsü ağır yol qəzasında ölüb. Avtosfer.az xəbər verir ki, ABŞ-ın Kaliforniya ştatında baş verən hadisənin görüntüləri kameraya düşüb. “Huntington Beach”də 37 yaşlı sürücü yüksək sürətlə idarə etdiyi “Tesla” markalı elektromobillə yolun əks istiqamətinə çıxaraq hərəkət edib və yol kəsişməsində boz rəngli “Tesla Model 3”lə toqquşub. Zərbənin təsirindən avtomobil daha 3 maşına çırpılıb və aşaraq çevrilib. Qəza nəticəsində 37 yaşlı sürücü aldığı ağır xəsarətlərdən ölüb, daha 3 nəfər isə xəstəxanaya yerləşdirilib.
Polis faktla bağlı araşdırma aparır.
Sözügedən hadisənin anbaan videosunu təqdim edirik:

Namiq Musayev