Yol polisindən qorxan sürücü qəza törətdi; maşındakı 5 nəfər düşüb qaçdı - VİDEO

Yol polisi əməkdaşlarından qorxan sürücü qəza törədib.
Avtosfer.az xəbər verir ki, Rusiyanın Cənubi Saxalin bölgəsində baş verən hadisənin görüntüləri təhlükəsizlik kamerası tərəfindən qeydə alınıb.
Hadisə şahidlərinin sözlərinə görə, normal hərəkətdə olan “Honda” markalı minik avtomobilinin sürücüsü yol kənarında bir neçə yol polis əməkdaşını görərək anidən qaza sıxıb. Özünü və sükan idarəetməsini itirən sürücü avtomobillə öncə yol nişanlarına, daha sonra isə hasara çırpılıb. 
Qəzadan sonra avtomobildə olan 5 nəfər hadisə yerindən qaçıb. 
Hazırda hüquq-mühafizə orqanları qaçan şəxslərin axtarışını davam etdirir. 
Sözügedən hadisənin videosunu təqdim edirik:

Namiq Musayev