Yol polisinin “şou”su faciə ilə bitdi - VİDEO

Rusiyada yol patrul xidmətinin avtomobili polisin üzərinə aşıb. Avtosfer.az xəbər verir ki, hadisə iyunun 28-də Moskva vilayətinin İvanteyevka şəhərində yol polisi əməkdaşlarının peşəkar hazırlığı mərkəzində keçirilən buraxılış zamanı baş verib.

Sosial şəbəkədə yayımlanan həmin kadrlarda patrul avtomobillərinin iki təkər üzərində hərəkət etdiyi və yerə uzanan polis əməkdaşlarının üzərindən keçdiyi görülür.

Daha sonra avtomobillərdən biri idarəetmədən çıxaraq polisin üzərinə aşıb və onu metrlərlə sürükləyib.

Yerli KİV-in məlumatına görə, başındakı dəbilqə sayəsində sağ qalan polis əməkdaşı xəstəxanaya yerləşdirilib. Hazırda o, həkim nəzarəti altındadır.

Namiq Musayev