Yol polisinin yanında qəza şəraiti yaradıb qaçdı - 10-FM-099 - VİDEO

Paytaxtın Sabunçu–Balaxanı yolunda yol hərəkəti qaydalarını kobud şəkildə pozan sürücü avtomobilin kamerasına düşüb.

Avtosfer.az-ın məlumatına görə, hadisə bir müddət əvvəl axşam saatlarında qeydə alınıb. Videodan göründüyü kimi, 10-FM-099 dövlət nömrə nişanlı “Hyundai Grandeur” markalı avtomobilin sürücüsü sol zolaqda hərəkət edən nəqliyyat vasitəsinə əhəmiyyət vermədən qəfil həmin zolağa keçib və görüntünü qeydə alan sürücüyə qəza riski yaradıb.

Xoşbəxtlikdən, təhlükə ilə üzləşən sürücü vaxtında dayanaraq qəzadan son anda yayına bilib. Qeyd edək ki, qayda pozuntusu yol polisi xidməti avtomobilinin həmin ərazidən keçdiyi vaxt baş verib.

Xatırladaq ki, sürücü manevr etməzdən əvvəl keçəcəyi zolağın boş olduğuna əmin olmalıdır. Əks halda bu, qayda pozuntusu hesab olunur və qəza ilə nəticələnə bilər. Təəssüf ki, bəzi sürücülər dönmə işığını yandırmağı kifayət hesab edərək diqqətsiz şəkildə zolaq dəyişirlər ki, bu da ciddi təhlükə yaradır.

Nərmin