Yoldakı çuxurdan təngə gələn “BakuBus” sürücüsü çıxış yolunu belə tapdı - VİDEO

Yoldakı çuxuru doldurmağa çalışan sürücünün görüntüsü sosial şəbəkədə geniş yayılıb.  

Avtosfer.az-ın məlumatına görə, hadisə martın 4-də səhər saatlarında Xırdalan şəhəri ərazisində qeydə alınıb. Belə ki, “BakuBus” MMC-yə məxsus 99-JK-538 dövlət nömrə nişanlı 120 saylı müntəzəm marşrut xətti üzrə hərəkət edən sərnişin avtobusunun sürücüsü yolun asfalt örtüyündəki problemi aradan qaldırmağa çalışıb. Kadrdan da göründüyü kimi, o, avtobusun yük yerinə yığdığı daşları yoldakı çuxura düzərək qismən də olsa çökəkliyi örtüb.  

Qeyd edək ki, sürücünün bu davranışı sosial şəbəkədə alqışla qarşılanıb. İstifadəçilər yoldakı çuxurun uzun müddətdir mövcud olduğunu, hətta bu səbəbdən avtomobillərinə maddi ziyan dəydini şərh bölməsində bildiriblər.

Nərmin