Yolu parkinqə çevirən sürücülər bu küçədə hər gün süni tıxac yaradırlar - VİDEO

Paytaxtın Nəsimi rayonu Mərdanov qardaşları küçəsində hərəkət iflic vəziyyətindədir.

Xoşagəlməz mənzərəylə bağlı izləyicilərdən biri Avtosfer.az-a videomaterial göndərib. İzləyici bildirib ki, adı çəkilən küçənin hər iki tərəfi parklanma zonasına çevrilib. Görüntüdən də aydın olduğu kimi, yolun sağ və sol tərəfini zəbt edən sürücülər bununla kifayətlənməyərək döngədə və ikinci zolaqda da avtomobillərini park ediblər. Nəticədə yaranmış süni tıxac sürücülərin hərəkətini çətinləşdirməklə yanaşı qəza riski də yaradır. Şikayətçi, sözügedən küçədə hər gün eyni vəziyyətin hökm sürdüyünü qeyd edib.  

Nərmin