Zəncirvari yol qəzasında 2 maşın yandı, 3 nəfər xəsarət aldı - VİDEO

Üç nəqliyyat vasitəsinin iştirakı ilə yol qəzası baş verib. Avtosfer.az xəbər verir ki, hadisə Türkiyənin Şimali Mərmərə şossesinin Çekmeköy ərazisində qeydə alınıb.

Belə ki, hərəkətdə olan 34-DNE-248 dövlət nömrə nişanlı “Fiat” markalı minik avtomobili qəflətən sürəti azaldıb. Bu zaman  eyni istiqamətdə hərəkət edən yüngül ticarət və onun arxası ilə gələn digər “Mercedes” markalı minik maşınlarının iştirakı ilə zəncirvari qəza olub. Zərbənin təsirindən yüngül ticarət maşını ilə “Mercedes” alovlanaraq yanıb.

Qəza nəticəsində 3 nəfər xəsarət alıb. Ətrafdakı digər sürücülərin xəbər verməsi ilə hadisə yerinə yanğınsöndürən, polis və tibb qrupları gəlib. Yanğın xilasetmə qruplarının müdaxiləsi ilə söndürülüb. Yaralılar ilkin tibbi yardımdan sonra xəstəxanaya aparılıblar.

Hadisə ilə bağlı araşdırma başlanılıb.

Namiq Musayev