"Zerkalnı Əliyar" yenidən "protiv" gedib təhlükə yaratdı - 10-MM-100 - VİDEO

Paytaxtın Cəfər Xəndan küçəsində qaydaları kobud şəkildə pozan sürücü kameraya düşüb. Avtosfer.az xəbər verir ki, 10-MM-100 dövlət nömrə nişanlı, "Toyota Prado" markalı avtomobilin sürücüsü əks istiqamətli yola çıxaraq digər sürücülər üçün təhlükə yaradır. 
Qeyd edək ki, iki ay əvvəl bu sürücü eyni hərəkəti yol polisinin gözü qarşısında etmişdi. Həmin vaxt sürücü barəsində inzibati protokol tərtib edildiyi açıqlanmışdı. 
Xatırladaq ki, sosial şəbəkələrdə "Zerkalnı Əliyar" kimi tanınan şəxsin şəhərdə müntəzəm olaraq bu cür qayda pozduğu bildirilir. Bu isə ardıcıl və aşkar şəkildə cəmiyyətə hörmətsizlikdir ki, avtoxuliqanlıq kimi qiymətləndirilə bilər.

Sosial şəbəkə istifadəçiləri bu sürücünün şəhərdə hərəkətin sıx olduğu yollarda tez-tez avtomobilini söndürərək yatdığını da qeyd edirlər.  Videogörüntüləri təqdim edirik:

Nərminə Əli