10 MM 090 Türkiyədə qəza törətdi: Başqa maşın vurub öldürdü – FOTO+VİDEO

Azərbaycanlı tələbə Türkiyədə bədbəxt hadisə nəticəsində dünyasını dəyişib. Avtosfer.az İHA-ya istinadən xəbər verir, AZ 10 MM 090 Azərbaycan seriyalı lüks avtomobilin sürücüsü Fərman Məmmədli gecə saat 02.30 radələrində Ədirnə istiqamətinə doğru hərəkətdə olarkən bilinməyən səbəblərdən idarəetməni itirərək səkiyə çırpılıb. Nəticədə Məmmədli və onun qadın sərnişini heç bir xəsarət almayıb. Lakin qəza törətdiyi yola reflektor yerləşdirmək istəyərkən eyni istiqamətdə gələn 34 NS 6981 seriyalı avtomobilin sürücüsü Yasin S. tərəfindən vurulub. Hadisə yerinə gələn təcili yardım biriqadası Məmmədlinin həyatını itirdiyini bildiriblər. Məmmədlinin cənazəsi Yenibosnada olan Ədliyyə Tibb Təşkilatına aparılıb. 20 yaşlı Fərman Məmmədli İstanbul Aydın Universitetinin inşaat mühəndislik fakultəsində təhsil alırdı.

Namiq