100 "Maserati" 18 saniyədə qurtardı

İnternet yolu ilə satışa çıxarılan dünyanın ən lüks maşınlarından biri hesab edilən 100 "Maserati" 18 saniyədə satıldı. Avtosfer.az  anspress-ə istinadla verdiyi məlumata görə, "Levante" markalı maşının qiyməti 72 min dollardan başlayıb. Maşının özü isə Çində iyul ayından satışa çıxarılacaq. 

Maraqlısı odur ki, Çində iqtisadi artımın yavaşlaması, hökumətin rüşvət, korrupsiya ilə mübarizəni gücləndirməsi və dəbdəbəli həyat tərzi sürənlərə ciddi nəzarət etməsi səbəbindən lüks maşınların satışı son illərdə azalıb. 

Ancaq lüks firmalar, o cümlədən İtaliya avtomobil istehsalçısı "Maserati" kimi firmalar Çin bazarında böyüməyi hədəflədiyi üçün internet üzərindən satışa başlayıblar. Çin 700 milyon internet istifadəçisi ilə dünyanın ən böyük e-ticarət və avtomobil bazarına sahibdir. 

Bu arada, "Maserati" qəza riski ehtimalı olduğu üçün 21 min maşını bu ölkədən geri çağırıb. 

Ölkə mediasında yer alan məlumata görə, söhbət markanın "Quattroporte" və "Ghibli" modellərindən gedir. 

Çin Standartlar Qurumu problemin qaz pedalında olduğunu açıqlayıb. Belə ki, maşın hərəkətdə olanda pedal tutulur və risk meydana gəlir.