300 manatadək cəriməsi var - Aprelin 30-na kimi ...

Yanvarın 1-dən etibarən MDB dövlətlərində istehsal olunan nəqliyyat vasitələrinin texniki baxışına start verilib. Aprel ayının 30-na kimi avtomobilini texniki baxışdan keçirməyən sürücüləri isə cərimə gözləyir. Bakı Şəhər Baş Dövlət Yol Polisi İdarəsinin İctimaiyyətlə Əlaqələr Şöbəsinin rəisi, polkovnik Vaqif Əsədov metbuat.az-a açıqlamasında hazırda MDB istehsalı olan yüngül minik maşınlarının texniki baxışdan keçməsində tam şəraitin yaradıldığını bildirib: “Bakı-Zabrat-Maştağa yolunun birinci kilometrində yerləşən Daxili İşlər Nazirliyinin Baş Dövlət Yol Polisi İdarəsinin Diaqnostika Mərkəzində avtomobillərin sürücünün iştirakı ilə texniki baxışdan keçirilməsinə şərait yaradılıb. Həmin mərkəzdə müasir standartların tələblərinə uyğun cihazlar vasitəsilə avtomobilin texniki cəhətdən saz və ya nasaz olması üzə çıxarılır. Avtomobilin işıq, əyləc sistemi, ətraf mühitə buraxılan dəm qazının tərkibi, təkər və şüşələr yoxlanılır. Avtomobili saz olan sürücüyə yerindəcə xüsusi birka verilir. Bu birka avtomobilin qabaq alın şüşəsinə, görünən yerə vurulmalıdır.