Ağdaşda avtomobil çevrildi: ata və oğlanları xəsarət aldılar

Ağdaş rayonunda bir ailənin 3 üzvünün ağır xəsarət alması ilə nəticələnən avtomobil qəzası baş verib.

Avtosfer.az apa-ya istinadən bildirir ki, hadisə bu gün səhər saat 7:00 radələrində Bakı-Şamaxı-Yevlax avtomobil yolunun 235-ci kilometrliyində, Ağdaşın Xosrov kəndi ərazisində qeydə alınıb. Mingəçevir şəhər sakini, 1964-cü il təvəllüdlü Həsənov Nurəddin Soltan oğlunun idarə etdiyi "VAZ 2107" markalı minik avtomobili yoldan çıxaraq çökək əraziyə aşıb.

Hadisə zamanı sürücü Nurəddin Həsənov və iki oğlu, 1992-ci il təvəllüdlü Nurlan Həsənov, 1990-cı il təvəllüdlü Müşfiq Həsənov ağır bədən xəsarətləri ilə Ağdaş Mərkəzi Rayon Xəstəxanasına yerləşdirilib.

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.