Alkoqol və avtomobil: miflə reallıq arasında

Avtomobilin kütləviləşdiyi 30-cu illərdən etibarən bir çox ölkədə sərxoş idarəetməyə görə cəzalara tətbiqinə başlandı. Cəzalar getdikcə sərtləşsə də hər il dünyada sərxoş sürücülərin ucbatından yüz minlərlə qəza baş verir.

Avtosfer.az xəbər verir ki, bir çox ölkədə və insanlarda alkoqolla bağlı miflər də yaranır. Sanki kimsə içəndə daha yaxşı sürür, yaxud az içir və s. əslində burada həqiqət payı yoxdur.

Uzun sözün qısası, alkoqolla bağlı ən çox yayılan yalanlara diqqət edək. Bəzi sürücülər içsələr belə normal maşın sürə bildiklərini iddia edirlər. halbuki, tibb elmi tam əksini deyir. Qəza anında sürücünün tormoza basmaq üçün reaksiya müddəti 0,5 saniyəni keçmir.

Sərxoş sürücüdə isə bu göstərici 8 dəfəyədək arta bilir. Nəzərə alaq ki, sürətli yolda saniyələr də rol oynayır. İkinci əfsanə isə içən şəxsin guya öz normasını bilməsidir.

Halbuki, cəmi 50 qram araq insanın normal düşüncə tərzini pozur. 100 qramdan sonra isə sürücü hesab edir ki, sərxoş deyil və sükan arxasına keçə bilər. Üçüncü əfsanə isə az miqdarda alkoqolun faydalı olmasıdır. Bu nağıla neçə neçə nəsil insan inansa da, təcrübədə sübut olunmayıb.

Vüqar