Almanlar "Mercedes-AMG GT" konseptini təqdim etdilər - FOTO

"Mercedes" şirkəti Cenevrə avtomobil sərgisində yeni konseptini təqdim edib. Avtosfer.az xəbər verir ki, almanların "AMG GT" modeli böyük tamaşaçı marağına səbəb olub. Şirkətin təqdim etdiyi avtomobil 4 qapılıdır və mühərriki 800 at gücü hasil edir. "Mercedes-AMG GT Concept" modeli parlaq idman üslublu dizayna malikdir. Bununla belə salon həcmi böyüyüb və qapıların sayı 4-ə çatıb. Kapotun altında V8 tipli, 4 litr həcmli tvin-turbo mühərriki yerləşdirilib. Mühərrik hibriddir və "DBC" elektrik mühərriki ilə birlikdə 800 at gücü hasil edir. Alman şirkəti sedanın seriya istehsalını planlaşdırır. Amma çox güman ki, istehsal zamanı avtomobildə bir çox dəyişikliklər olacaq.