“Audi TT” istehsalı 2023-cü ilin sonuna qədər dayanacaq - VİDEO

Alman avtomobil istehsalı olan “Audi”, 1995-ci ildə Frankfurt Motor Show-da “TT” modelinin təqdimatını gerçəkləşdirdi. 1998-ci ildən isə avtomobilin istehsalı başladı. Ancaq son zamanlarda “coupe” modellərə olan tələbatın azlığı şirkət istehsalının dayanmasına səbəb oldu. 
Belə ki, avtomobilin son versiyası İngiltərədə bazara çıxarılır. 
Avtosfer.az xəbər verir ki, “TT Final Edition” adlanan bu versiya ilə avtomobilin istehsalı sona çatacaq. Model İngiltərədə satışa çıxarılsa da, Amerikada təqdim olunmayacaq. Model təxmini 50 min dollardan başlayan qiymətlərlə satışa çıxarılacaq. Avtomobilin önümüzdəki ay alıcıların ixtiyarına veriləcəyi gözlənilir. Aprel ayında isə çatdırılması gerçəkləşəcək.

Nərmin Əkbər